|
||||||||||||
Зүйрлэшгүй гүн дэх хайраа Зөвхөн чамдаа би бичдэг Зүүдний тайлал болсон Залуу бүсгүй чамайгаа хайрлаж нэг жаргаах юмсан |
|
Он жил улиран улирч Огт танихгүй газар тааралдлаа ч Одоогийнх шигээ чамайг би Ойлгож мэдэрсээр л байх болно |
|
Хүрч боломгүй тийм холд чи байдаг Хүслээ чөдөрлөн дотогшоо янаглах минь хайр байдаг Бодолдоо чамайг өөртэйгөө тэврэлдүүлэн зурж Бороон дундуур гүйн, чамд хүрэх минь мөрөөдөл байдаг |
|
Би Зогсч байгаагаа ч эс мэднэ Зогсчихсон байдаг Би Харж байгаагаа ч үл мэдэрнэ Харчихсан байдаг Харин тэр зогсох тусам |
|
Найрын гурван дугарааг өнжөөдөггүй гэлцэх юм таныг Намайг ийм удаанаар цоо ширтэхээ болиоч Найганхан дуулах ардын сайхан дуугаа Намбатайхан дуулаад өмнөхөө нэг тогтоогооч Улаа бутарсан миний хацар Урдаас чинь таныг төөнөхгүй байна уу Улс амьтан та биднийг Улалзтал ярихаас ичихгүй байна уу |
|
Зүүдэнд чинь би чамдаа очино Зүгээр л хацар дээр чинь үнсэнэ Сэтгэлийн үгсээ зүрхэнд чинь шивнээд Сэрэхээс чинь өмнө би буцаад явна |
|
Гучин нас Хаврын салхинд хормой дэрвээд Хачин юм аа, гучин насанд Харцных нь сайханд сэтгэл дэвслээд Халуухан юм аа, залуу насанд Шинэхэн амрагийн гэнэхэн болзоонд Шийтгүүлж жиндмээр хавар байна Ширээний ном цүнхний юмгүй Шилэрч одмоор хавар байна |
|
| Нил өнгөт цэцэг Нил өнгөт цэцэг минь Нэвсгэр ягаан цас минь Намрын цэнхэр бороо минь Нарны ногоон туяа минь Чи миний нүдээр ертөнцийг хардаг ч болоосой Тэр их гоо сайхныг Би чамайг л бодон Сэмжин ягаан үүлэн дээр Сэтгэлээ дэвсээд нисэх дуртай |
|
| Хань болох бүсгүй Хань болох бүсгүйн Нүд нь ямар хөөрхөн гээч Хааяа л нэг ийм шөнө Од хүртэл төөрөөд Тэнгэрийн цаад руу харвачихдагсан Чихэнд нь ээмэг биш Нар сарны нулимс гялтганаад Цэцэгс уйлуулан алхахад нь Хэн ч тэднийг өмөөрч зүрхэлдэггүй Цэв хүйтэн зун болдогсон |
|
| Хайрын тухай... Халиун өвсний толгой Газарт мөргөн бөхөлзөж Хатсан навчсын уйлаан Зүрх урсан үдшээр Буцах хайрын сүүдэрт Дурсамж тэвэрч үлдээд Ботго тормон нүдэнгээ Голоо эгштэл санахуй Сайхан байж дээ ... гэж санаа алдмаар Сархад сөгнөж өчигдөрт атаархмаар Минийх байсиймаа гэхээр зүрх омогшмоор Хэзээ ч уулзахгүй гэхээр сэтгэлээ оршуулмаар Ухаангүй хайртай чи минь Тэвэрт минь үгүй болохоор Уйдхан энэ хорвоод Амьд явахаас халширдаг Уйтгарт сарны чөлөөнд Бусдын өвөрт буй чамайг бодож Утгагүй амьдарна гэхээс Уйлмаар болдог..... |
|
| Display: |
| Нүүр хуудас Буцах Дээш буцах |